孖人夫黎振燁偷食蛋糕　殘爆朱智賢首現身道歉：對唔住畀機會我嘅人，我辜負咗你哋

前港姐朱智賢背着男友謝東閔與人夫黎振燁車廂偷食蛋糕事件曝光後，震撼娛樂圈。

有指受盡千夫所指嘅朱智賢，曾哭求男友原諒，而「被劈腿」嘅謝東閔亦終心軟原諒對方。

Photo from TVB

二人今日就喺無綫安排下，於電視城招開記者會作交代。佢哋以一黑一白嘅造型現身，先讓傳媒拍照。

Photo from TVB

記者會中，謝東閔先發言：「好擔心佢承唔承受到壓力，佢已經將成件事講咗我聽，我會陪住佢走過呢一關（女方低頭喊）。可能其實一時間有啲迷失，不過我覺得我自己都有少少責任，可能我成日掛住工作，疏忽咗佢......其實佢係一個好勤力嘅演員，我希望大家可以畀個機會佢，自己反思吓，嚟緊將來可以繼續喺TVB工作。」

Photo from TVB

而被眾人所指責嘅朱智賢就喊住講：「首先我要講嘅係對唔住，我令大家失望對唔住，我知自己做錯，我對唔住錫我嘅人，對唔住畀機會我嘅人，我辜負咗你哋，我辜負咗公司，喺依度我想同呢件事受傷害嘅人講對唔住。」

Photo from TVB

Photo from TVB

其後，二人便一同離開，並未有回應提問。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）